الاسم :اصعب لحظه (طبعا هذا مو اسمي نكي :)


العمر :16

المرحله:3 ثنوي علمي طبعا باقيلي سنه واتخرج غير عنكم يعني باقي سنه وشوي واتكشخ عليكم بسيارتي

الميلاد:27 -6-1992

الاقامه :الكويت -الجابريه


الهوايه:قراءة القصص والطلعه او بالاصح الفرفره بال مجمعات واحب ادش منتديات علشان اشارك واستفيد واخلي الناس همن تستفييد مني

صفاتي طبعا بحط الزينه مع الشينه علشان ما يكون واحد اكثر من الثاني عساكم فهمتوا :)
عصبيه وبدرجه كبيره(ها عاد احترسوا مني عدل ) مزااجيه وفيني طيبه بس مو واايد (اطلعت الفضايح صح ادري راح تتغير فكرتكم عني ولكن لا تخافون في صفات زينه:) احب اساعد الناس وما احب اضايقهم ولا احب بعد اني اجرحهم بكلمه ولا انا من النوع الي يغلط على الناس واحب اكوون كريمه ومسامحه وفيني غرروور بس بدرجه معقوووله ..

وعندي اخت توام فديتها والله واعتقد يا لموووس تعرفينها صح واهي مرات تساعدني في طرح جم موضوع وترد معاي في كذا موضوع يعني ان اصح التعبير انا واهي وااحد بس هي اكبر من 5 دقايق واحنا اخر العنقود تقدرون تقولون مدلعين اخر دلع والي ببالنا نسويه يعني راسنا يااابس ونعصب بسرعه يعني اذا انا واهي تهاوشنا الله لا يوريكم شنو راح يصير يا ذابح يا مذبووح :) وطبعا كل دقيقه في هواشه صغيروونه يعني مثلا نتهاوش الساعه 4 تلقونا 4 ودقيقه

وطبعا كل يوم اكتب لكم الي ببالي والي قاعد يصير لي سواء بالبيت او المدرسه او بحياتي الخاصه وراح اتكلم عن اعضاء حبيتهم من كل قلبي وانتظروني باجر على نفس الموعد باذن الله ...